Əcnəbi diplomatlar müxalifətçilərlə görüşüb

Azərbaycanda fəaliyyət göstərən diplomatik korpus nümayəndələrinin İctimai Palatanın (İP) Koordinasiya Şurasının (KŞ) üzvləri ilə görüşü başlayıb. “Vətəninfo.az”ın məlumatına görə, Müsavat Partiyasının qərargahında keçirilən görüşdə Avropa Şurasının Azərbaycandakı nümayəndəliyinin rəhbəri Konstantinos Yerekostopulos, Almaniyanın Azərbaycandakı səfiri Herbert Kvelle , ABŞ, Norveç, Latviya, Polşa, Yunanıstan və digər ölkələrin səfirliklərinin nümayəndələri iştirak edir. İP KŞ üzvlərindən isə görüşə Müsavat başqanı İsa Qəmbər, AXCP sədri Əli Kərimli, İlqar İbrahimoğlu, Leyla Əliyeva, Zəfər Quliyev, Pənah Hüseyn və Köçəri Nağlbəyli qatılıb.