Gürcüstanın yeni prezidentinin andiçmə mərasimi noyabrın 17-də keçiriləcək

APA-nın “Novosti Qruziya”ya istinadən xəbərinə görə, bunu Gürcüstan parlamentinin Hüquq komitəsinin sədri Vaxtanq Xmaladze bildirib.

Qeyd edək ki, oktyabrın 28-də Gürcüstanda prezident seçkiləri keçirilib. Mərkəzi Seçki Komissiyasının məlumatına görə, səslərin 90,99%-i sayıldıqdan sonra “Gürcü arzusu” koalisiyasının prezidentliyə namizədi Georgi Marqvelaşvili liderlik edir. Seçkilərin yekun nəticələri 20 gün ərzində elan olunmalıdır.