Hakim hamını aladıb-VİDEO

Bir müddət əvvəl hakimlikdən uzaqlaşdırılan Elçin Məmmədov Gürcüstanda seminar keçib.

Bir müddət əvvəl hakimlikdən uzaqlaşdırılan Elçin Məmmədov Gürcüstanda seminar keçib. Məmmədov Azərbaycan mətbuatına seminara Gürcüstan Futbol Federasiyası tərəfindən dəvət aldığını bildirmişdi.

Sportal.az-ın əldə etdiyi məlumata görə Elçin Məmmədovun söylədikləri həqiqəti əks etdirmir. Belə ki, bu günlərdə AFFA-ya və Hakimlər Komitəsinin sədri Xaqani Məmmədova müammalı zəng gəlib. Xaqani Məmmədov zənglə bağlı fikirlərini bizim saytla bölüşüb:

"FİFA-dan bizə etiraz məktubu gəlməyib. Bu məsələ ilə bağlı Gürcüstanın Hakimlər Komitəsinin sədri mənə zəng etdi və bu barədə etirazını bildirdi. O dedi ki, "nə haqla Elçin Məmmədov gəlib hakimlərimizə seminar keçir?". Mən də dedim ki, onu biz göndərməmişik, sizin Futzal Federasiyası dəvət edib. Onlar onu televiziyada FİFA-nın instrukturu kimi təqdim ediblər. Səhv məlumatdı. Elçin Məmmədovun özünü FİFA-nın təlimatçısı kimi təqdim etməyə haqqı çatmır".

Bu videodan görünür ki, aparıcı beynəlxalq dərəcəli hakimimizi FİFA-nın instrukturu kimi təqdim edir.