Həbsxanaya bıçaq və telefon keçirmək istədi

13 saylı cəzaçəkmə müəssisəsinə telefon və bıçaq keçirilməsinin qarşısı alınıb.

Vətəninfo.az Ədliyyə Nazirliyinin Penitensiar xidmətinə istinadən xəbər verir ki, 13 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 228.2; 279.1 və 66.3 maddələrinə əsasən azadlıqdan məhrum edilmiş məhkum Urfan Fikrət oğlu Umayevin yanına qısamüddətli görüşə gəlmiş həyat yoldaşı, Şabran rayonu, Rəhimli kəndində yaşayan vətəndaş Tamilə Simran qızı Paşayevanın görüş otağında üzərinə və əşyalarına baxış keçirilən zaman, əl çantasının içərisində gizlədilmiş, daxilində “Cin” danışıq kartı olan bir ədəd “Nokia” markalı mobil telefon aparatı, 1 ədəd qulaqcıq və gətirdiyi sovqatın içərisində gizlədilmiş 1 ədəd əl bıçağı aşkar edilərək götürülüb.

Fakt üzrə araşdırma aparılır.