Həştərxan-Bakı kruiz marşrutu açılır

Həştərxanda Rusiya Federasiyası hökuməti yanında Dəniz kollegiyasının rəyasət heyətinin iclası keçirilib. İclasa Rusiya baş nazirinin müavini Dmitri Roqozin rəhbərlik edib.

Miq.az report-a istinadən xəbər verir ki, gündəliyin əsas mövzusu Rusiya kruiz çay donanmasının köhnəlməsi olub.

İclasda, həmçinin Həştərxan və Bakı arasında kruiz marşrutunun təşkili barədə də söhbət gedib. Marşrut üzrə ilk çarter reysinin artıq bu il açılacağı bildirilib.

İclasın gündəliyinə çıxarılan digər məsələ isə "Şimal-Cənub" dəhlizi üzrə konteyner daşımalarının təşkili məsələsi olub. Region üçün tez xarab olan və taxıl məhsullarının Azərbaycan və İrana qədər nəqlinin, xüsusilə perspektivli olduğu qeyd olunub.

"Nəticədə kifayət qədər etibarlı Rusiya-Azərbaycan-İran dəhlizi ortaya çıxır. Oradan da Hindistana və bütün bu böyük regiona çıxış. Bizim tərəfimizdən əlimizdə olan nadir tranzit imkanlarından yararlanmamaq axmaqlıq olardı", – deyə Dmitri Roqozin bildirib.

Miq.az