İranın Şәrqi Azәrbaycan vilayәtinin valisi Azәrbaycana sәfәr edәcәk

Oktyabrın 19-da İranın  Şәrqi Azәrbaycan vilayәtinin valisi Azәrbaycan sәfәr edәcәk.

 Vətəninfo.az-ın APA-ya istinadən mәlumatına görә, bunu İranın Azәrbaycandakı sәfiri Möhsün Pakayin deyib. O bildirib ki, sәfәrin ilk günü qonaq Naxçıvanda, ayın 20-21-dә isә Bakı vә Gәncәdә olacaq: "İki ölkә arasında әlaqәlәrin inkişafı üçün vasitәlәrdәn biri dә sәrhәd rayonları arasında münasibәtlәrin genişlәndirilmәsidir. Şәrqi Azәrbaycan vilayәtinin dә bu baxımdan böyük potensialı var". 

Sәfir qeyd edib ki, tәxminәn 1 ay sonra Gilan vilayәtinin valisi dә Azәrbaycana gәlәcәk: "Tikintisi planlaşdırılan Rәşt-Astara dәmiryol xәtti baxımından bu səfər vacibdir”.
  M. Pakayin onu da əlavə edib ki, dekabrın son ongünlüyündә İranda hökumәtlәrarası komissiyanın iclası keçiriləcək.