Müğənni Nurlan Əzizbəylinin vəziyyəti yaxşıdır

Ötən gün xəstəxanalardan birində reanimasiya şöbəsinə yerləşdirilən tanınmış müğənni Nurlan Əzizbəylinin vəziyyəti yaxşıdır.

Bu barədə Gün.Az-a müğənninin prodüseri Elvin Nəsib məlumat verib.

O bildirib ki, Nurlan Əzizbəylinin əməliyyatı müvəffəqiyyətlə keçib və vəziyyəti hazırda yaxşıdır, müalicəsi ev şəraitində keçir.

N.Əzizbəylinin mətbuat katibi Aydın Ulusoy isə bizimlə söhbətində bəzi media orqanlarından giley-güzar edib. Onları yalnış xəbər yaymaqda ittiham edərək bildirib ki, şou-biznes nümayəndələrinin hər zaman başına gələn xoşağəlməz hadisələrindən yazan bəzi informasiya portalları nədənsə müğənnilərin gördükləri işləri işıqlandırmq istəmirlər.