NİDA-çıya hökm oxundu

Binəqədi Rayon Məhkəməsində “Nida” Vətəndaş Hərəkatının həbsdə olan üzvü Orxan Eyyubzadənin cinayət işi üzrə məhkəmə prosesi başa çatıb.

Vətəninfo.az APA-nın məlumatına görə, prosesdə hökm oxunub. Hökmə əsasən, O. Eyyubzadə 2 il müddətinə azadlıqdan məhrum edilib.
 
Qeyd edək ki, O. Eyyubzadə mayın 6-da “Nida” Vətəndaş Hərəkatının üzvlərinə oxunan hökmə etiraz etdiyi üçün saxlanılaraq 20 sutka müddətinə inzibati qaydada azadlıqdan məhrum edilib. Lakin sonradan ona Cinayət Məcəlləsinin 315-ci (hakimiyyət nümayəndəsinə müqavimət göstərmə) maddəsi ilə əlavə ittiham elan olunub.