“Psixoloji problemim var” – Namiq

Meyxanaçı Namiq Qaraçuxurlu son vaxtlar başına gələn hadisələrdən danışıb.

Axşam.az-ın məlumatına görə, sənətçi əsəblərinin çox pozulduğunu, psixoloji problemlərinin olduğunu etiraf edib. N.Qaraçuxurlu “Onlar” verilişinə açıqlamasında 6 ay axsayaraq gəzəcəyini deyib:

“Barmağım sınıb, 21 gün gipsdə qalmalıdır. Altı ay ərzində axsayacam. Ola bilər, kimsə sevinib dedi ki, "Mənə etdiklərinə görə cəzasını çəkir". İçim əsəblə doludur. Bu aralar psixoloji problemlərim var. Hərdən dostlarıma deyirəm ki, sakit məkan olsaydı, gedib o ki var qışqırardım. Əsəbim keçib gedərdi”.

Bu yaxınlarda müğənni Rəqsanə ilə yayılan fotoları söz-söhbətə səbəb olan Namiq bu məsələyədə aydınlıq gətirib. O, Rəqsanənin ünvanına təriflər yağdırıb:

“Birlikdə Moskvada toyda olduq. Həmin səfərdən sonra Rəqsanəni daha da çox istədim. Mənə qayğı göstərdi. Əgər ikimiz də subay olsaydıq, bəlkə aramızda nəsə olardı. Mən də onunla münasibət haqda düşünə bilərdim”.