PUTİN JERAR DEPARDYEYƏ RUSİYA PASPORTU VERDİ (FOTO)

Rusiya prezidenti Vladimir Putin Soçidə məşhur aktyor Jerar Depardye ilə görüşüb. Musavat.com-un İTAR-TASS-a istinadən verdiyi məlumata görə, Rusiyanın dövlət başçısı fransalı aktyora Rusiya pasportunu təqdim edib. Vladimir Putin və Jerar Depardye nahar da ediblər.

Qeyd edək ki, Vladimir Putin Jerar Depardyeyə Rusiya vətəndaşlığının verilməsi barədə fərmanı yanvarın əvvəllərində imzalamışdı. Fərmana əsasən, 1948-ci ildə Fransada anadan olmuş Jerar Depardyenin Rusiya vətəndaşlığına qəbulla bağlı müraciətinə müsbət cavab verilib.

Jerar Depardye dekabrda Fransa vətəndaşlığından imtina qərarını açıqlayıb. Bundan sonra Fransanın baş naziri onun bu addımını "acizlik" və "nifrətə layiq hərəkət" kimi qiymətləndirib. Aktyor isə bəyan edib ki, son 45 il ərzində Fransada 145 milyon avro vergi ödəyib və dövlət qarşısında borcunu yerinə yetirməkdən heç vaxt boyun qaçırmayıb.

Vətəninfo.az