"Qəbələ"dən UEFA reytinqində böyük irəliləyiş

UEFA klubların reytinq cədvəlini açıqlayıb.

VİZUAL.az qurumun rəsmi saytına istinadən verdiyi məlumata görə, tarixində ilk dəfə Avropa Liqasının qrup mərhələsində çıxış edən "Qəbələ" reytinqdə irəliləyib.

Bundan öncəki cədvəllə müqayisədə ən böyük yüksəlişə "qırmızı-qaralar" nail olub. "Qəbələ" 42 pillə irəliləyərək, 294-cü yerdən 252-ci yerə yüksəlib.

Qeyd edək ki, bu faktı UEFA-nın rəsmi saytı özünün birinci səhifəsində xüsusi olaraq qabardıb.