Qolsuz əlil iflic anasının qayğısına qalır

Qırx səkkiz yaşlı çinli fermer Çen Xininyanın həyatı həqiqətən son dərəcə məşəqqətlidir.

Vətəninfo.az-ın məlumatına görə, AZƏRTAC "newsland.ru” saytına istinadla xəbər verir ki, elektrik cərəyanının vurması nəticəsində 17 yaşında qollarını itirən Çen fermada işləməyi öyrənib və bu günə qədər həmin işlə məşğul olur. Amma təkcə əlil olsaydı, dərd yarı idi. 20 yaşında atasını itirib, indi isə xəstə anasına baxmaq onun öhdəsinə düşüb. Müəyyən vaxt keçəndən sonra anasının vəziyyəti lap da pisləşib. Kimsə Çenə dilənçilik etməyi məsləhət görüb. Amma o bildirib ki, qolları olmasa da, ayaqları yerindədir. Əlqərəz, pul qazanıb həm özünü, həm də anasını dolandıra bilər. Çen ayaqları ilə səbət toxumağı və fermaya nəzarət etməyi öyrənib. 2014-cü ildə onun anası tamamilə iflic olub. İndi onu qaşıqla yedirtmək lazım gəlib. Amma Çen bunun da öhdəsindən gəlib. Çenə əziyyət verən yeganə məsələ corab geyinməyi öyrənə bilməməsidir. Buna görə də tez-tez ayaqlarının donmasından əziyyət çəkir.

Çenin ayağındakı çapıq ilk dəfə bıçaqdan istifadə etmək cəhdindən sonra qalıb. Təsərrüfatı da, məişəti də Çenin ayaqları idarə edir.

Çen kimsəyə əl açmadan pul qazanmağa, həm özünü, həm də anasını doyuzdurmağa nail olub.