"Prezidentin humanist addımı cəmiyyətdə həmrəyliyi daha da artıracaq"

Aydın Hüseynov: "Dövlət başçısı bir daha Onun hər bir azərbaycanlının Prezidenti olmasını isbatlayır"

"Cənab İlham Əliyevin humanist addımı bir daha Onun hər bir azərbaycanlının Prezidenti olmasını isbatlayır". Bu sözləri YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov deyib.

 Onun sözlərinə görə, Azərbaycanda humanist addımlar Ulu öndər Heydər Əliyevin hakimiyyətə gələn dövrdən atılır: "1993-cü ildən başlayaraq, ölkədə kriminogen vəziyyətin stabilləşməsi, cinayət hadisələrinin azalması birbaşa olaraq, Ümummilli lider Heydər Əliyevin fəaliyyətinin nəticəsi idi. Ulu öndər Heydər Əliyev cəmiyyət daxilində konsolidasiya yaratmaqla, reinteqrasiya proseslərinə ciddi təkan verirdi. Bunun nəticəsi idi ki, Ümummilli lider sosiumda etimadı formalaşdımaq üçün ölüm hökmünü də ləğv etdirdi".

 Aydın Hüseynov vurğulayıb ki, bu gün eyni siyasi kurs Prezident İlham Əliyev tərəfindən uğurla davam etdirilir: "Dövlətimizin başçısı hər il bayram qabağı bu cür sərəncamları ilə bir çox ailələrə sevinc gətirməklə cəmiyyətdə humanizm prinsipinin möhkəmlənməsinə əsas verir. Düşünürük ki, Prezident İlham Əliyevin bu cür addımları cəmiyyət daxilində həmrəyliyi daha da artıracaq və vətəndaşlararası ünsiyyəti gücləndirəcək".

 Firudun