"Şəxsi məsələyə münasibət bildirmək istəməzdim"

Pekin Olimpiadasının qızıl medalçısı, Yol Patrul Xidmətində baş inspektor vəzifəsində çalışan Elnur Məmmədli saytlardan birinə verdiyi müsahibəsində 6 marketə sahib olduğunu bildirib.

Vətəninfo.az xəbər verir ki, məsələ ilə bağlı Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov Ölkə.az-a açıqlamasında bu barədə münasibət bildirmək istəmədiyini bildirib:
"Şəxsi məsələyə münasibət bildirmək istəməzdim. Hər kəs dediyi sözün üzərində özü dursun. Bunu təbliğat işinə bir aidiyyatı olmadığına görə, məsələyə münasibət bildirmək istəmirəm. Mənim tutduğum vəzifə "Yol hərəkəti haqqında" qanunun təbliğatını aparmaqdır. Bu məsələ mənim funksional vəzifəmə aid olmadığından bu sualı cavablandıra bilmərəm".