"Uzun danışırsınız..."

6-cı sinif şagirdi, 12 yaşlı Osman Yəhya təcrübəli reportyor, aparıcı və ya jurnalist deyil. Onun dünya liderləri ilə müsahibə təcrübəsi də çox deyil. Amma Osman artıq ABŞ-da məşhur şəxslərdən birinə çevrilib.
Vətəninfo.az-ın məlumatına görə, Milli.Az Mashable-a istinadən bildirir ki, ABŞ-ın Merilend ştatındakı Solsberi şəhərinin sakini, "Bennett Middle School"un 6-cı sinif şagirdi Osman Yəhya "Discovery Education's" telekanalındakı proqramda aparıcı idi.
 O, orta təhsilin təkmilləşdirilməsi yolları ilə bağlı ABŞ prezidenti Barak Obamaya sual verib. Obama sualı cavablandırmağa başlayıb. Lakin Osmanın səbr kasası daşıb və o, Obamanın sözünü kəsərək deyib: "Məncə, çox uzun danışdınız və sualı cavablandırdınız".
 Obama gülümsəyərək söyləyib: "Osman hesab edir ki, uzun danışdım".
 ABŞ prezidentinin bu sözləri qəhqəhələrlə qarşılanıb.