Ramil Həsənov Qırğızıstana gedəcək

TÜRKPA Baş Katibi  Ramil Həsənov martın 29-31-də Qırğızıstanın paytaxtı Bişkek şəhərinə səfər edəcək. “Vətəninfo.az”a TÜRKPA-dan verilən məlumatda deyilir ki, səfər bu ilin iyun ayında keçirilməsi nəzərdə tutulan TÜRKPA-nın III Plenar Sessiyasına hazırlıq xarakteri daşıyır. Səfər çərçivəsində TÜRKPA Baş Katibinin Qırğızıstan Parlamentinin Sədri  Asilbek Zhenbekov, Qırğızıstan Xarici İşlər Naziri Ruslan Kazakbayev, TÜRKPA-nın İqtisadi, Ticarət və Maliyyə Komissyasının sədri  Kojobek Rıspayev və III Plenar Sessiyaya hazırlıq məqsədilə yaradılan  Təşkilat Komitəsinin üzvləri ilə görüşü nəzərdə tutulur. Səfərdə TÜRKPA Baş Katibini, Baş Katibin müavini  Bektemir Ziyadinov və Katibliyin əməkdaşları müşayət edəcəkdir.