Röya həmişə varlı sevgili arzulayıb

Aktrisa Sənubər İsgəndirlinin aparıcılıq etdiyi “Gəlin Danışaq” verilişinə qonaq olan müğənni Röya maraqlı açıqlamalar verib.

Axşam.az-ın məlumatına görə, sənətçi heç vaxt ailə qurmağı arzulamadığını etiraf edib:
 
“Həmişə arzulayırdım ki, varlı sevgilim olsun, mənə zavod tikdirsin. Amma heç vaxt ailə qurub uşaq sahibi olmağı istəməmişdim. İndi səhər uşağın ağlaması ilə oyanırsan, baxçaya aparırsan. Mənim oğlum rus, ingilis dillərini bilir. Heç vaxt belə şey düşünməmişdim. Anarla dava edəndə həmişə deyir ki, səndən hər şey gözləmək olar. Xəyallarla yaşayan insanam. Kimsə nəyisə etmə deyirsə, sırf onu edirəm. Əgər bu gün şou-biznesdə bu cür olmasam, məni saymayacaqlar”.

Röya son vaxtlar verilişlərə getməməsinin səbəbini də açıqlayıb:

“Bahalı geyinirəm, makiyaj edirəm, verilişə çıxıram. Nə düzgün işıqlandırma var, nə də ki texniki səviyyə. İki-üç pərəstişkarı yığıb əl çalırlar. O saat başlayırlar soruşmağa, ərin belə dedi, oğlun belə oldu. Qalmaqal yaratmağa çalışırlar. Buna görə də verilişlərə getmirəm”.