Sabirabad məktəbləri buz bağlayıb

Sabirabadın bəzi kənd orta məktəblərində qazanxanalar işləmir. Şagirdlər və müəllimlər dərs zamanı soyuqdan az qala donurlar.

Bu barədə kənd sakinləri VİZUAL.az-a məlumat verib. Sakinlərin sözlərinə görə, Narlıq, Yolçubəyli və Türkədi kənd tam orta məktəblərində isitmə sistemi yoxdur.

Həmin məktəblərin qızdırma sistemi olmadığından siniflərə və başqa otaqlara neftlə işləyən sobalar qoyulub. Havaların kəskin soyumasına baxmayaraq bu məktəblərə heç neft də verilməyib.

Valideynlərdən yığılan pul hesabına siniflərə sobalar qoyulub.

Yerli sakinlər qeyd edir ki, soyuq şəraitdə dərs keçən şagirdlər tez-tez xəstələnir. Bu səbəbdən də çox şagirdlərin valideynləri uşaqlarını məktəbə getməyə qoymurlar. Rayon Təhsil Şöbəsi və İH-nə hələ yay aylarında müraciət olunub. Lakin müraciətlərin xeyri olmayıb.