“Şou-biznesdən bezmişəm” - ETİRAF

Namiq: “Disk daşıyan da deyir prodüserəm”

Vətəninfo.az xəbər verir ki, “N Brazers” qrupunun rəhbəri Namiq Qafarov şou-biznes aləmindən bezib. Müxbirimizlə söhbətində o bunları bildirib: “İndikilər də deyir iş görmüşük. Hər disk daşıyan deyir prodüserəm”. N.Qafarov bildirib ki, çoxları müğənniləri qınayırlar ki, müğənnilər toyları əsas tuturlar. Yazıq müğənni neyləsin, albomdan pul qazanmırlar, elə içi mən qarışıq. Ancaq albomlarımı yol polislərinə paylayıram. Tamaşaçı albom, disk almır, hamı çalışır fleşdən köçürsün. Albom buraxırsan, pul yoxdu, konsert verirsən, istədiyin kimi pul qazana bilmirsən. Bütün bunlar da sövq edir ki, müğənni toylara getsin”. “N Brazers”in rəhbərinin sözlərinə görə, keçirilən konsertlərə də özləri dost-tanışa bilet verirlər ki, ən azından onlar gəlsinlər: “Klip çəkdirmək də bildiyiniz kimi baha başa gəlir. Bunun hələ “raskrutka”sını demirəm. Bir klipin “raskrutka”sı üçün televiziya proqramlarında yayımlanması lazımdı. Elə proqramlar var ki, onlar ödənişlidi. Gərək pul ödəyəsən ki, sənin klipini orda yayımlayalar. Yazıq müğənniyə də ancaq toylardan pul qalır. Onu da aparıb ailəsinin ehtiyacını ödəsin, yoxsa ”raskrutka”ya versin?”. N.Qafarovun sözlərinə görə, Azərbaycanda müğənninin pul qazanacağı yeganə yer toydu.

Vətəninfo.az