Vasif Talıbovun namizədliyi qeydə alındı

Naxçıvan Muxtar Respublikası Ali Məclisinin sədri, YAP İdarə Heyətinin üzvü Vasif Talıbovun Milli Məclisə keçiriləcək seçkilərdə deputatlığa namizədliyi rəsmən qeydə alınıb.

Vətəninfo.az Publika.az-a istinadla xəbər verir ki, Mərkəzi Seçki Komissiyasının saytında hakim partiyanın namizədi V. Talıbovun 1 saylı Şərur-Sədərək seçki dairəsindən qeydə alındığı bildirilir. 

Qeyd edək ki, 1995-ci ilin noyabrında Milli Məclisə keçirilən seçkilərdə 1 saylı Şərur-Sədərək dairəsindən deputat seçilən Vasif Talıbov o vaxtdan indiyədək parlamentin üzvüdür. V. Talıbov 1995, 2000, 2005 və 2010-cu il deputat seçkilərində iştirak edərək qalib olub.