1 milyon 350 min nəfərdən çox xarici vətəndaşın Rusiyaya girişi yasaqlanıb

Miqrasiya haqqında qanunu pozan 1 milyon 350 min nəfərdən çox xarici vətəndaşın Rusiyaya girişi yasaqlanıb.

Miqrasiya haqqında qanunu pozan 1 milyon 350 min nəfərdən çox xarici vətəndaşın Rusiyaya girişi yasaqlanıb.
APA-nın Moskva müxbirinin verdiyi məlumata görə, bunu Rusiya Federal Miqrasiya Xidmətinin (FMX) rəhbəri Konstantin Romodanovski bildirib. Onun sözlərinə görə, hazırda Rusiya ərazisində 10 milyona yaxın xarici vətəndaş var.
Rusiya prezidenti Vladimir Putinlə görüşən FMX rəhbəri miqrasiya haqqında qanunu pozan 1 milyon 350 min əcnəbinin Rusiyaya girişinin yasaqlandığını söyləyib: "Qanunu pozan miqrantların sayının necə azaldığının cədvəlini tərtib etmişik. Biz bunu ilk dəfə reallaşdırdıq. Ötən illərlə müqayisədə miqrantların sayında azalma baş verib. Rusiyaya işləmək üçün gələn bəzi ölkə vətəndaşlarının sayının azaldığını müşahidə edirik".

Vətəninfo.az