Afaq Şıxlının kitabının təqdimatı keçirildi

Vətəninfo.az xəbər verir ki, Azərbaycan Yazıçılar Birliyinin "Natavan" klubunda qurbətdə yaşayan şairə Afaq Şıxlının "Ömrümün beşinci fəsli" adlı kitabının təqdimatı keçirilib. Afaq Şıxlı xeyli müddətdir ki, Moskvada yaşayır. İxtisasca həkim olan Afaq xanım neçə-neçə maraqlı şeir kitabının müəllifidir. Bir çox tanınmış şair, yazıçı və media nümayəndələrinin qatıldığı tədbiri AYB-nin mətbuat katibi, şair Xəyal Rza açdı. Daha sonra AYB katibinin birinci muavini, şair Fikrət Qoca, "Azərbaycan" jurnalının redaktoru İntiqam Qasımzadə, şair Qulu Ağasəs çıxış etdilər. Tədbirə qatılan Fəridə Ləman, Nəcibə İlkin, Ülkər Atəş, İbrahim İlyaslı, Əkbər Qoşalı və digər qonaqlar da Afaq Şıxlının ədəbi yaradıcılığı barədə söz açaraq şairəni təbrik etdilər. Tədbirin sonunda Afaq Şıxlı tədbir iştirakçılarına öz kitabını təqdim etdi.

Vətəninfo.az