“Artıq Ermənistanda da Azərbaycanın haqlı mövqeyi dəstəklənir”

"Erməni xalqının çıxış yolu işğaldan əl çəkib Azərbaycanla münasibətləri normallaşdırmaqdan keçir. Artıq erməni xalqı bu məsələləri başa düşür və ölkədə bununla bağlı böyük hərəkatlar yaranır.”

Vətəninfo.az Modern.az-a istinadla xəbər verir ki, bu fikirləri Millət vəkili Fuad Muradov Ermənistandakı kütləvi iğtişaşlarla bağlı məsələyə şərh verərkən bildirib.

Deputat bildirib ki, bu gün Ermənistanda baş verənlərə Qərbin münasibət bildirməməsi ikili standartlardan xəbər verir.

"Bir halda ki, erməni xalqı rejimin əlindən qaçır, dünyanın müxtəlif ölkələrinə hətta Azərbaycana pənah gətirir BMT, Avropa Şurasının buna heç bir reaksiyası yoxdur. Amma Azərbaycanda hər hansı hüquqi qanunlar çərçivəsində bir hal baş verən kimi bu hansısa söz-söhbətlər yaradır. Hesab edirik ki, bunun da kökündə Azərbaycana qarşı təzyiqlər durur.”