Ağstafa sakini qatarın altında qaldı

Qatar Ağsatafa sakininin ölümünə səbəb oldu.

“Vətəninfo.az” xəbər verir ki, avqustun 8-i saat saat 17:00 radələrində Ağstafa rayonunda bədbəxt hadisə baş verib. Aşağı Kəsəmən kənd sakini 32 yaşlı Asəf Məmmədov idarə etdiyi "İJ" markalı motosikletlə dəmiryolundan keçərkən qatarla toqquşub. Hadisə nəticəsində ağır xəsarətlər alan Asəf Məmmədov dünyasını dəyişib. Kənd sakinlərinin verdikləri məlumata görə, 32 yaşlı mərhum qatar gözləmədən yola çıxıb və ehtiyyatsızlığın qurbanı olub.

 Faktla bağlı araşdırma aparılır