Azərbaycana bir qızıl, bir gümüş və iki bürünc medal gəldi

Aprelin 18-20-də Daşkənd şəhərində İntellektual oyunlar üzrə 2-ci açıq “Asiya kuboku” keçirilib.

“Vətəninfo” az xəbər verir ki, Faiq Hüseynov və Balaş Qasımovun komandaları bu yarışlardan vətənə medallarla qayıdıblar. 

“Nə? Nə vaxt? Harada?” oyununda Faiq Hüseynovun komandası ikinci, Balaş Qasımovun komandası üçüncü oldu. Bunula yanaşı, “Breyn-rinq” oyununda Balaş Qasımovun komandası üçüncü, “Xəmsə” Milli intellektual oyununda isə Faiq Hüseynovun komandası birinci yerə layiq görülüblər.

Milli intellektual oyun olan “Xəmsə” bu il ilk dəfə olaraq ölkədən kənarda keçirilən beynəlxalq turnirdə təmsil edilib. Yaxın vaxtlarda həmin oyun üzrə yarışlar Praqada “Gümüş qolem”və İsrailin Hayfa şəhərində “Znatokiada” beynəlxalq intellektual turnirlərin çərçivəsində də keçiriləcək.

Mirvari Nəcəf