Azərbaycanda daha bir neçə bank bağlanacaq

"Azərbaycanda bank sektorunun konsolidasiyası 2018-ci ildə də davam edəcək”.
Miq.az-ın məlumatına görə, bu barədə "Moody's" beynəlxalq reytinq agentliyindən bildirilib.
Agentliyin mütəxəssisləri qeyd edir ki, problemli banklarla bağlı əsas məsələ kapital çatışmazlığıdır. "Manatın devalvasiyasından sonra problemli bankların aktivlərinin keyfiyyəti pisləşib. Hal-hazırda bağlanmaq təhlükəsi ilə üzləşən banklar səhmdarlar və daha güclü bazar iştirakçıları tərəfindən kapital inyeksiyası həyata keçirilməsinə baxmayaraq minimum kapital adekvatlığı əmsalına cavab verməyən banklardır. Buna görə də sektorun zəif oyunçuları 2018-ci ildə bazarı tərk edəcək”, - deyə "Moody's"dən bildirilib.