Qusarda polis əməkdaşı bıçaqlanıb. İstipress-in şimal bürosu xəbər verir ki, rayon polis şöbəsinin Həzrə bölməsinin əməkdaşı, 36 yaşlı Həmidulla Müzafəddin oğlu Qayıtmazov öz həmkəndlisi tərəfindən bıçaqlanıb. Yaralı polis saat 23:30 radələrində qarın boşluğunda xəsarətlə xəstəxanaya aparılıb.

Hazırda polis əməkdaşı reanimasiya şöbəsində əməliyyat olunur. Qusar Rayon Prokurorluğunda faktın araşdırılmasına başlanıb. Hüquq - mühafizə orqanları hadisə yerindədir.