Rusiyanın ən varlı varisləri müəyyən edilib. İstiPress-in TASS-a istinadla verdiyi məlumata görə, siyahını "Forbes" dərgisi hazırlayıb. Ən varlı gənclərin adının yer aldığı siyahıya ötən il olduğu kimi Azərbaycan əsilli Rusiya milyarderi, "Lukoil"in prezidenti Vahid Ələkbərovun oğlu Yusif başçılıq edir. 

"Siyahıda 20 ailə var. Bu ailələrdə hər uşağa azı 2,3 milyard sərvət düşür. Ailələrdəki uşaqların ümumi sayı 47-dir", deyə nəşr qeyd edib. 

Yusif Ələkbərov 1990-ci ildə anadan olub. Onun mirası 14,5 milyard dollardır. O, ailənin yeganə övladıdır. 

Sonuncu pillədə isə "Alfa bank"ın təsisçisi Pyotr Avenin övladları Denis və Daryadır. Onların hərəsinə 2,3 milyard dollar pul düşür.

Milyarderlərdən 8-nin övladı atasının yolunu davam etdirir. Bunların sırasında Yusif Ələkbərov, Cahangir Mahmudov (İsgəndər Mahmudovun oğlu) , Dmitri Lisin, Kseniya Frank (Gennadi Timçenkonun qızı), Səid Qutsereyev və s. var.