“Boksçularımız əldə etdiyi nailiyyəti İlham Əliyevin qələbəsinə həsr ediblər”

Qazaxıstanın Almatı şəhərində 14-26 oktyabr 2013-cü il tarixində keçirilən boks üzrə dünya çempionatı idman tariximizə qızıl hərflərlə yazılıb. Vətəninfo.az-ın  məlumatına görə, dünyanın 109 ölkəsindən 543 idmançının qatıldığı turnirdə ölkəmiz bütün çəki dərəcələrində ümumilikdə 10 idmançı ilə təmsil olunub: “Yüksək əhval ruhiyyə ilə turnirə qatılan idmançılarımızdan Məhəmmədrəsul Məcidovla (+91 kq), Cavid Çələbiyev (56 kq) qızıl və Teymur Məmmədov (91 kq) bürünc medal qazanaraq möhtəşəm turnirdə 3 medalı aktivlərinə yazmaqla komanda hesabında da ölkəmizin adını ilk üçlüyə salıblar. İdmançılarımız əldə etdiyi nəticə ilə Avropa ölkələri arasında birinci yeri tutaraq böyük boks məktəbi olan Rusiya və Ukrayna idmançılarını qabaqlayıblar. İdmançılarımızın əldə etdikləri bu yüksək nəticəni Prezident İlham Əliyevin yenidən Prezident seçilməsi və qazandığı möhtəşəm qələbəsinə hədiyyə ediblər”.

Vətəninfo.az