Bu yol bağlanacaq

Mayın 2-də Bakı Dairəvi Yolunun Bilgəh qəsəbəsindən Nardaran qəsəbəsinədək olan hissəsində nəqliyyat vasitələrinin hərəkət məhdudlaşdırılacaq.

Nəqliyyatı İntellektual İdarəetmə Mərkəzinin məlumatına görə, hərəkətin məhdudlaşdırılmasına səbəb triatlon üzrə idman yarışlarının keçirilməsidir. Bildirilib ki, mayın 2-də saat 05:00-dan 17:30-dək Mərdəkan-Bilgəh-Novxanı-Sumqayıt yaşayış məntəqələrini birləşdirən Bakı Dairəvi Yolunun Bilgəh qəsəbəsindən Nardaran qəsəbəsinədək olan hissəsində nəqliyyat vasitələrinin hərəkət məhdudlaşdırılacaq. Qeyd olunan vaxt ərzində şəhər mərkəzi və Mərdəkan qəsəbəsi istiqamətdə hərəkət üçün sürücülərə Buzovna-Maştağa-Nardaran yolundan istifadə etmələri tövsiyə olunur.

AzNews.az