Ermənistanın növbəti saxtakarlığı

Əzəli-Əzəliyan etməsələr yaxşıdı

Ermənistanın ən böyük kanallarından olan Shanti TV, “Ay Yapım” dan " Ezel " serialının ssenarisini satın aldı. “Vətəninfo.az”ın Türkiyə mətbuatına istinadən verdiyi məlumata görə,  Ermənistanda yayımlanan ilk türk serialı olan “Ezel” böyük maraqla qarşılanıb.

Ölkənin ən çox izlənilən televiziya kanallarından olan Shanti TV baş rollarını Cansu Dərə və Kənan İmirzalıoğlunun oynadığı, yayımlandığı dövr  izlənilmə rekordları qıran "Ezel" serialının ssenari haqqını “Ay Yapım”dan satın alıb. Baş rol üçün Cansu Dərə və Kənan İmirzalıoğluna bənzəyən oyunçular seçən kanal, qısa müddət  ərzində çəkilişlərə başlayıb. Serial tamaşaçılar tərəfindən böyük maraqla qarşılanıb.

Ermənistanda reytinq rekordları qırdı

İlk bölümdən reytinqlərdə 70 faiz öndə olan serial Ermənistanda yayımlanan ilk türk serialıdır. Ermənilər böyük maraqla izlədikləri serialın ssenarisinin türklərə məxsus olduğundan bixəbərdilər. Çünki deyilənlərə görə kanal, bu məlumatı tamaşaçılardan gizlədir.

Qeyd edək ki, “Ay Yapım” baxımlı seriallardan olan "Aşk-ı Memnu" nun ssenarisini də ötən il Amerikanın məşhur televiziya kanallarından birinə satmış, serial bir müddət əvvəl ekrana gəlməyə başlamışdı.