Gürcüstan Avropa Birliyinə “hə” deyə bilər

Mayya Pandjikidze: "Heç kəs Gürcüstana bu addımı atmağa maneçilik törədə bilməz"

Gürcüstan Avropa Birliyi ilə Əməkdaşlıq sazişinə razılıq verə bilər. ANS PRESS-in utro.ru saytına istinadən verdiyi xəbərə görə, bunu Gürcüstanın xarici işlər naziri Mayya Pandjikidze deyib. Onun sözlərinə görə, Vilnüsdə baş tutacaq Avropa Birliyi – Şərq Tərəfdaşlığı sammitində heç kəs Gürcüstana bu addımı atmağa maneçilik törədə bilməz.

“Bizim nümayəndə heyətimiz Vilnüsə gedəcək, ancaq son razılığın əldə edilməsi üçün hələ həll edilməmiş bir çox texniki məsələlər var”.

Şərq Tərəfdaşlığı layihəsinə görə Avropa Birliyi ilə həm siyasi, həm də iqtisadi baxımdan yaxınlaşmaq üçün keçmiş sovet respublikalarından 6 ölkənin (Azərbaycan, Ermənistan, Gürcüstan, Moldova, Ukrayna və Belarus) adı hallanır.