Heydər Əliyev Mərkəzi yanır - VİDEO (YENİLƏNİB)

“Vətəninfo.az” xəbər verir ki, bu dəqiqələrdə yeni istifadəyə verilmiş Heydər Əliyev Mərkəzində yanğın başlayıb. Hadisə yerinə yanğınsöndürənlər cəlb olunub. Hazırda yanğının söndürülməsi üçün tədbirlər görülür.

Qeyd edək ki, Fövqəladə Hallar Nazirliyinin Dövlət Yanğından Mühafizə Xidmətinin Nərimanov rayon yanğından mühafizə şöbəsindən verilən məlumata görə, bu saatlarda Mərkəzdə yanğın başlayıb. Yanğınla bağlı 4-cü dərəcəli çağırış elan edilib.

YENİLƏNMƏ:

Heydər Əliyev Mərkəzində başlamış yanğın söndürülüb.

APA-nın hadisə yerində olan əməkdaşının verdiyi məlumata görə, güclü külək nəticəsində yanğın yenidən şiddətlənsə də, Fövqəladə Hallar Nazirliyinin Dövlət Yanğından Mühafizə Xidmətinin briqadalarının səyi nəticəsində yanğını yenidən lokallaşdırmaq və söndürmək mümkün olub. Qeyd edək ki, yanğının söndürülməsinə 50-dən artıq yanğınsöndürmə briqadası cəlb edilib.