İcra başçısı müavinin məmur qardaşı qəzaya düşdü

Bir neçə gün öncə Lerik rayonunun İcra Hakimiyyəti başçısının birinci müavini Cəlil Baxşiyevin qardaşı Zəfər Baxşiyev ağır qəza keçirib. Hadisə rayonun Zuvand ərazisində baş verib. Z.Baxşıyev qəza keçirən zaman əmisi oğlu ilə birlikdə olub, hər iki şəxs ağır xəsarət alıb. 

Məlumatda bildirilir ki, qəzaya düşən hər iki şəxs sərxoş olub. Rayondan Bizimxeber.az-a daxil olan ilginc xəbərə görə Lənkəran Mərkəzi Rayon Xəstəxanasına çatdırılan Zəfər Baxşiyevin vəziyyəti ağırdır. 

Qeyd edək ki, Zəfər Baxşiyev də məmurdur və o, bələdiyyə sədri vəzifəsində çalışır. Məhz buna görə də qəza ilə bağlı xəbər gizlədilir. Cəlil Baxşıyev məmur qardaşı ilə bağlı xəbərin mediada yayılmasını əngəlləməyə çalışır. Mövzunu diqqətdə saxlayacağıq.

Bizimxeber.az