İki nəfər dəm qazından zəhərləndi

Ölkədə daha bir neçə zəhərlənmə faktı qeydə alınıb.

Vətəninfo.az Daxili İşlər Nazirliyinə istinadla verdiyi məlumata görə, oktyabrın 30-da Xəzər rayonunun Binə qəsəbəsinin sakini Güldanə Ağayeva dəm qazından, Samux rayonu sakini Günay Məmmədova sirkə turşusundan, Tərtər rayon sakini Təranə Quliyeva kimyəvi məhluldan zəhərlənib. Zəhərlənən şəxslər xəstəxanaya aparılıb.

Oktyabrın 31-də isə Yasamal rayonunda zəhərlənmə faktı qeydə alınıb. Belə ki, Bakı şəhər sakini Nicat Hacıbəyli yaşadığı evdə dəm qazından zəhərlənərək ölüb.

Eyni zamanda, Qazax rayon sakini Rafət Rzayev də dəm qazından zəhərlənib. Xəstəxanaya gətirilmiş şəxs orada dünyasını dəyişib.