İranın hərbi helikopteri Azərbaycan sərhədini pozdu

Bu gün iyunun 18-i saat 12 radələrində İrana məxsus hərbi helikopter Azərbaycanın hava sərhədini pozub.

Hadisənin şahidi olan Teleqraf.az-ın Astara rayonundakı müxbiri Elçin İvrahimli bildirib ki, helikopter sərhədi keçərək Azərbaycanın gömrük məntəqəsinin üzərində dövrə vurub. “Helikopter İstisu kəndinin üzərindən də keçdi. İnsanlar vahimə içindəydilər. Helikopterin üzərindəki İran bağrağı da aydın şəkildə görünürdü”.
Əməkdaşımız əlavə edib ki, bu il ikinci dəfədir İrana məxsus hərbi helikopter Azərbaycanın hava sərhədini pozur. Analoji hadisə bu il mart ayının əvvəlində də qeydə alınıb.
Məsələ ilə bağlı Dövlət Sərhəd Xidmətilə əlaqə saxlamaq cəhdlərimiz nəticə verməyib.