KƏRKÜKDƏ TERROR: 30 ÖLÜ, 70 YARALI

Bu gün İraqın Kərkük şəhərində silahlılar polis idarəsinə hücum ediblər. Musavat.com-un "Frans Press"ə istinadən verdiyi məlumata görə, hücum nəticəsində 30 nəfər ölüb, 70 adam yaralanıb.

Polis generalı Məhəmməd Səbr deyib ki, əvvəlcə terrorçu partlayıcı quraşdırılmış maşını binaya çırpıb, ardınca isə silahlılar hücuma başlayıblar. General bildirib ki, hücumun qarşısı alınıb.

Hələlik heç bir qruplaşma terror aktına görə məsuliyyəti üzərinə götürməyib. "Frans Press" qeyd edir ki, adətən hüquq-mühafizə orqanlarının əməkdaşları və hökumət binaları "Əl Qaidə" terrorçuların hədəfində olur.