Kipir parlamenti Xocalı soyqırımını müzakirə etdi

Sibel Siber QHT sədri ilə görüşdü

Vətəninfo.az. xəbər verir ki, Şimali Kipr Türk Cümhuriyyətinin parlamentində Azərbaycan Nümayəndə Heyəti ilə birgə Xocalı soyqırımı müzakirə olunub. Müzakirələr Soyqırımı Həqiqətlərinin Tanıdılması İctimai Birliyinin təşəbbüsü ilə baş tutub.

Nümayəndə heyətinin tərkibinə Soyqırımı Həqiqətlərinin Tanıdılması İctimai Birliyinin rəhbəri Ceyhun Ələkbərov, Dünya Azərbaycanlıları Konqresinin Azərbaycan Nümayəndəliyinin rəhbəri Səftər Rəhimli və Diaspor Jurnalistləri Birliyinin İdarə Heyətinin üzvü Elnur Eltürk qatılıblar. Müzakirədə çıxış edən ŞKTC-nin Parlamentinin deputatı Zorlu Törə Xocalıda yaşanan qətliamı soyqırımı aktı kimi dəyərləndirib. O, bu faciənin bəşəriyyət tarixində qara ləkə olduğunu bildirib və dünyanı bu hadisəyə duyarlı olmağa çağırıb. Nümayəndə heyəti spiker Sibel Siberlə da görüşüb, müzakirə aparıblar.