Metroda intihara cəhd

Vətəninfo.az  xəbər verir ki, metronun Elmlər Akademiyası stansiyasında intihara cəhd hadisəsi baş verib. Axar.az-ın məlumatına görə, satnsiyada orta yaşlı bir şəxs özünü qatarın altına atmaq istəyib. Bu barədə Feysbuk sosial şəbəkəsində məlumat yayılıb. Məlumata görə, qatar stansiyaya yaxınlaşmamışdan o, özünü relslərin üzərinə atıb. Bələdçilərin cəld işarəsindən sonra stansiyaya yaxınlaşan qatar tuneldə dayana bilib. Bununla da faciənin qarşısı alınıb.
 
Metropolitenin mətbuat xidmətinin rəhbəri Nəsimi Paşayev Axar.az-a açıqlamasında faktı təsdiqlədi. Onun sözlərinə görə, bələdçilərin müdaxiləsi bnəticəsində faciənin qarşısı alınıb: “özünün dediyinə görə alacağı olduğu üçün intihara cəhd edib. Şəxsin vəziyyəti normaldır. Hadisə ilə əlaqədar qatarların gedişində heç bir fasilə yaranmayıb. Şəxs metropolitan işçiləri tərəfindən polisə təhvil verilib artıq”.

Vətəninfo.az