Milli Məclisin deputatı AŞPA-nın komitə iclasında iştirak edəcək

Milli Məclisin beynəlxalq münasibətlər və parlamentlərarası əlaqələr komitəsi sədrinin müavini Sevinc Fətəliyeva Avropa Şurası Parlament Assambleyasının sosial işlər, sağlamlıq və davamlı inkişaf komitəsinin iclasında iştirak etmək üçün sentyabrın 10-da Parisə yola düşəcək.

Vətəninfo.az-ın məlumatına görə, Milli Məclisin mətbuat xidmətindən AZƏRTAC-a bildiriblər ki, iclasda dini azadlıq və demokratik cəmiyyətdə bərabər yaşama, bərabərlik və ailə cavabdehliyi, insan hüquqları və etik problemlər, ümumxalq sağlamlığı ilə bağlı beynəlxalq problemlərin həlli, dərman sənayesinin maraqları və digər mövzularda müzakirələr aparılacaq.

Səfər sentyabrın 12-də başa çatacaq.