"Neptun" azyaşlı uşağı zəhərlədi - Fotolar

Azərbaycanın ən böyük mağazalar şəbəkəsi olan "Neptun” müştərilərinə köhnə mal satır.

Vizual.azxəbər verir ki, bu barədə AzNews.az-a daxil olan şikayətdə bildirilir. Məlumata görə, şəbəkənin Nəsimi rayonu Cəlil Məmmədquluzadə küçəsində yerləşən filialından alış-veriş edən müştərinin aldığı piroq köhnə çıxıb. Nəticədə müştərinin azyaşlı övladı zəhərlənib.

Faktı "Neptun” mağazalar şəbəkəsindən də təsdiqləyiblər. Mağaza ilə əlaqə saxlayan əməkdaşımıza bildirilib ki, baş vermiş hadisədən sonra mağazada həmin şirkətə icarəyə verilən şirniyyat bölməsi bağlanılıb: "Hadisədən sonra dərhal həmin şirkətlə əlaqə saxladıq. Artıq həmin şirkətin mağazamızla heç bir əlaqəsi yoxdur. Mağaza daxilində onlara icarəyə verilən bölməni də artıq bağlamışıq”.

Mağazadan verilən məlumata görə, həmin piroq "Azun” şirniyyat evinin məhsuludur.