Nuşirəvan Məhərrəmlidən əcaib addım

Milli Televiziya və Radio Şurasının (MTRŞ) sədri Nuşirəvan Məhərrəmli mayın 1-dən ölkə ərazisində türk seriallarının yayımının dayandırılmayacağına dair məsələyə aydınlıq gətirib. O bildirib ki, qadağa yalnız xarici teleseriallara aiddir, “Çalıquşu” kimi bədii televiziya filmlərinə deyil. Telekanallar bədii televiziya filmlərini dublyaj edib göstərə biləcək. Lakin dublyaj prosesinə daha diqqətlə yanaşılmalıdır. MTRŞ sədrinin sözlərinə görə, may ayının 1-dən ölkədə bütün xarici serialların yayımı

birmənalı şəkildə dayandırılacaq xə telekanallara öz işlərini buna uyğun qurmagı tövsiyyə edib. Xatırladaq ki, xarici serialların dayandırılması məsələsi bu ildən başlamayıb. Ötən ildən bununla bağlı telekanallarla mütəmadi görüşlər keçirilib. “Bir ildən artıqdır ki, məsələ müzakirə olunur. Telekanalların da borcu idi ki, bu işə hazır olsunlar. Bu məsələni uzatmaq onların işlərinə yarayır. Amma telekanallar cəmiyyət qarşısında məsuliyyət daşıyırlar. O məsuliyyətin biri də Azərbaycan tamaşaçılarını Azərbaycanda istehsal olunan filmlərlə təmin etməkdir. Telekanallar işlərini xaricdə istehsal edilən filmləri göstərməklə bitmiş hesab etməli deyillər” – deyə MTRŞ sədri bildirib.