Dünyanın ən güclü ordusa malik ABŞ-ın yeni lazer silahı üzə çıxdı. İstiPress-in məlumatına görə,  bu lazer silahının bir çox özəllikləri var və hədəfi anındaca məhv edir.

"CNN International"ın məlumatına görə, ABŞ donanması Bəsrə Körfəzində Pilotsuz Uçan Aparataları məhv edən bir lazer silahını sınaqdan keçirib. Silah "LaWS" adlanır. 

"USS Ponce" adlı yükdaşıma gəmisinə yerləşdirilən silah ilk sınağı zamanı müəyyən edilən hədəfləri tək atəşlə məhv edib. 

Gəminin kapitanı Kristofer Vellsin sözlərinə görə, bu silahdan istifadə edildiyini ondan istifadə edənlərdən başqa heç kim müəyyən edə bilmir. Lazer bir mərmidən daha həssasdır və sadəcə PUA-lar üçün deyil, çoxçeşidli hədəflər üçün istifadə edilə bilər. "LaWS"ın qitələrarası ballistik raketdən 50 min dəfə daha sürətli olduğu açıqlanıb.