Prezidentə sui-qəsd oldu

Liviyanın müvəqqəti prezidenti və parlamentin sədri Məhəmməd əl-Maqrifə sui-qəsd olub.

Bu barədə dövlət başçısı milli televiziyaya müsahibəsində məlumat verib.  Məhəmməd əl-Maqrif sui-qəsd zamanı ölənlərin olmadığını bildirib. 

Onun sözlərinə görə, sui-qəsd yanvarın 5-də ölkənin cənubundakı Sebha rayonunda gerçəkləşib.Prezidentin qaldığı otelə daxil olan silahlılar mühafizəçilərlə atışmağa başlayıblar. 

Məhəmməd əl-Maqrif silahlıların şəxsiyyətinin məyyənləşmədiyini deyib və onların sayını açıqlamayıb. 

O yalnız qeyd edib ki, 3 saat davam edən atışma səhər açılanda başa çatıb və insident zamanı üç mühafizəçi yaralanıb.

xəzərxəbər