Onun sözlərinə görə, bir qrup şəxslər M.Səfər qızının etibarından sui-istifadə edərək bahalı avtomobilini ələ keçirməkləri azmış kimi sonuncu pulu almadığı halda 300.000 manatlıq kredit müqaviləsini təhditlə imzalatdırmışlar.

Hal-hazırda Xətai RPİ-nin İstintaq şöbəsində belə bir iş üzrə dələduzluq nəticəsində külli miqdarda dəymiş ziyanla (AR CM-nin 178.3.2) bağlı cinayət işi başlanılıb. Təəsüflə qeyd edirəm ki, bu kriminal dəstənin prokurorluq orqanında çox ciddi nüfuzlu himayədarı peyda olmuşdur. Bu iş üzrə cinayət işinin başlanması üçün qərarda adları çəkilən qrup üzvlərini nəzərinizə çatdırıram. Balayev Xəyyam Nazim oğlu, Əliyev Sahib Usub oğlu, Abdullayev Zaur Sabir oğlu və qardaşı Abdullayev Yalçın Sabir oğlu qabaqcadan əlbir olub cinayət əlaqəsinə girərək qrup halında vətəndaş M.Səfər qızının etibarından sui-istifadə edərək bahalı avtomobilini ələ keçirməkləri azmış kimi sonuncu pulu almadığı halda 300.000 manatlıq kredit müqaviləsini təhditlə imzalatdırmışlar. Ən təccüblüsü odur ki, el dili ilə desək "üç dənə biti” olmayan Əliyev Sahib Usub oğlu pulun faktiki sahiblərinin göstərişi ilə bir gündə iki milyonluq beş müxtəlif əməliyyat həyata keçirib. Qeyri-rəsmi məlumatlara əsasən, həmin vətəndaşların dediklərinə görə, pulun sahibi və işlərə rəhbərlik edən iş adamı kimi tanınan Abdullayev Yalçın Sabir oğlunun rəhbərliyi ilə həyata keçirilmişdir. Hal-hazırda istintaq hərəkətləri aparılır, düzdür araşdırmaya nüfuzlu və ciddi vəzifəli şəxsin təsiri olsa da mən vətəndaşlardan xahiş edirəm ki, bu şəxslərin əməllərindən ziyan görənlər bir başa ofisimə müraciət edə bilərlər. Tərəfimdən lazımi hüquqi yardım göstəriləcəkdir.