"İki dəfə plastik əməliyyat etdirmişəm"

Müğənni Könül Kərimova iki dəfə burun əməliyyatı etdirib.

İfaçı bu haqda “Əslində mən” verilişində deyib:
“Məni həmişə çoxlu plastik əməliyyat etdirməkdə günahlandırırlar. Deyirlər ki, başdan-ayağa özünü plastik əməliyyat etdirib. Yalan danışmağa utanaram. Cəmi iki dəfə plastik əməliyyat etdirmişəm. Kimdəsə uğurlu, kimdəsə uğursuz alınır. İlk cəhd uğursuz oldu, ikincini etdirdim. Əvvəl elə bilirdim ki, məndən gözəl xanım yoxdur. Anam deyirdi ki, saç düzümün yaraşmır, geyimin qaydasında deyil. Bunu qəbul etmirdim. Amma zaman-zaman gördüm ki, insanların baxışı fərqlidir. Bir dəfə toyda musiqiçi dostum haqqımda danışanda qulaq şahidi oldum. Dedi ki, "Könül qəşəng oxuyur, amma buna efirdə baxmayasan. Elə radiodan səsinə qulaq asasan". O söz mənə çox təsir etdi. Evə gedib, çemodanımı yığdım. Yoldaşıma dedim, mən gedirəm. Getdim xaricdə əməliyyat etdirdim".
Axşam.az