"Qarbağ"dan qələbə xəbəri

Bu gün Çempionlar Liqasında II təsnifat mərhələsində mübarizəyə start verilib.

Vətəninfo.az Apasport.az saytına istinadən xəbər verir ki, qitənin ən nüfuzlu klub turnirində Azərbaycanı təmsil edən “Qarabağ” ilk sınağına səfərdə çıxıb.

Tarixində ilk dəfə bu yarışa qatılan komandamız Maltada “Valletta” ilə üz-üzə gəlib.

Zəif rəqiblə qarşılaşmanın aşkar favoriti olan “Qarabağ” meydanı qələbə ilə tərk edib. 17-ci dəqiqədə Çumbinyonun qolu ilə fasiləyə üstün durumda yollanan təmsilçimiz fasilədən sonra fərqlənməyə yaxın olub.

Belə imkanlardan ən realı matçın sonlarına təsadüf edib. Amma 84-cü dəqiqədə Riçard Almeyda penaltidən yararlana bilməyib. Braziliyalı futbolçunun zərbəsini qapıçı zərərsizləşdirib.

Qeyd edək ki, Bakıdakı cavab oyunu iyulun 22-də baş tutacaq.

Çempionlar Liqası

II təsnifat mərhələsi, ilk oyun

15 iyul

“Valletta” (Malta) – “Qarabağ” (Azərbaycan) - 0:1

Qollar: Çumbinyo, 17

Vətəninfo.az