Rusiyanın desant diviziyası İran ərazisindən Ermənistana daxil olub

Təhlükəsizlik Müqaviləsi Təşkilatının Ermənistanda sentyabrın 15-dən 19-nadək keçirilən hərbi təlimləri başa çatsa da, bu məsləyə dair yeni faktlar üzə çıxır. “Vətəninfo.az”ın məlumatına görə, Ermənistanda keçirilən KTMT təlimlərində Rusiyanın İvanovo vilayətində dislokasiya olunmuş 98-ci qvardiya-desant diviziyasının bir batalyonu da iştirak edib. “Nezavisimaya qazeta” batalyonun tam təchizatla təlimlərdə iştirak etdiyini, onun hansı yolla Ermənistana daşındığının isə qaranlıq qaldığını yazıb. Belə ki, Rusiyadan Ermənistanla yeganə quru əlaqəsi saxlamağa imkan verən Gürcüstan öz ərazisindən Rusiya hərbi yüklərinin daşınmasını qadağan edib. Ermənistandakı təlimlərdə iştirak edən rus desant batalyonunun geri qayıtmayacağı və bu ölkədə qalacağı bildirilir.

Güney Azərbaycanlı soydaşlarımızdan redaksiyamıza daxil olna məlumata əsasən, sözügedən qvardiya-desant diviziyası İran ərazidinən keçərək, Ermənistana daxil olub.