Röya Qız qalasında lüt soyunan turistin yanında — FOTO

Bir müddət əvvəl İnstagram-da @myassthetics profili ilə məşhurlaşmış bir şəxsin Bakıda Qız qalasının üzərinə çıxaraq çılpaq foto çəkdirməsi böyük səs-küyə səbəb oldu.

Vətəninfo.az Ölkə.Az-a istinadla xəbər verir ki, cəmiyyət tərəfindən böyük ajiotajla qarşılanması @myassthetics profilli həmin şəxsi də narahat edib. O, azərbaycanlılardan etdiyi hərəkətə görə, həmin fotonu Röyanın fotosu ilə dizayn edərək bu cür üzr istəyib:

"Gözləmirdim ki, birinci şəkil bu qədər diqqət çəkəcək. Mənim heç azərbaycanlı izləyicilərim də yox idi. Buna görə də mən hörmətsizliyə görə üzr istəyirəm və bu bilərəkdən edilməyib. Əyləncə üçün Röyanın fanatının (@royaofficial-ın) köməyindən istifadə edərək fotonu bu cür təqdim edirəm. Ümid edirəm ki, bu foto daha uyğundur. Yeri gəlmişkən, Röyadan icazə almağa cəhd etdim, amma alınmadı. Əgər o, silməyimi istəyirsə, bunun üçün mənə yazmağı kifayətdir və mən dərhal siləcəm."

Qeyd edək ki, profilindən də göründüyü kimi bu şəxs demək olar ki, bütün şəkillərini bu formada - çılpaq çəkdirir. Bunların heç birində də onun üzü görünmür.

Xatırladaq ki, bu şəxs Qız qalasından əlavə üzü Bakı bulvarı istiqamətində Xəzər dənizində çəkdirib.