Sarkisyan Gülü İrəvana dəvət etdi

Vətəninfo.az  Musavat.com-a istinadən xəbər verir ki, Ermənistan prezidenti Serj Sərkisyan gələn il uydurma “soyqırım”ın 100 illiyi ilə bağlı Türkiyənin yeni prezidentini rəsmən ölkəsinə dəvət edib. Məlumata görə, bu barədə o, bu gün İrəvanda keçirilən tədbirdə bəyan edib.

“Əgər Türkiyə hökumətini həqiqət maraqlandırırsa, demək, onlar aprelin 24-də Ermənistana gəlməli və erməni xalqı ilə bir yerdə olmalıdırlar. Düşünmürəm ki, bundan sonra onlar arxivlərin açılmasının zəruriliyi kimi fikirlər səsləndirə bilsinlər. Fürsətdən istifadə edib qarşıdakı seçkilərdə seçiləcək Türkiyə prezidentini 24 aprel 2015-ci ildə Ermənistana səfər etməyə rəsmən dəvət edirəm.

 Bütün baş verənlərə rəğmən, biz Türkiyə xalqına nifrət bəsləmirik. Nəinki bəsləmirik, üstəlik, elə şərait yaratmağa çalışırıq ki, iki xalq bir biri ilə ünsiyyətdə ola, barışıq yolları tapa bilsin”, - deyə Sərkisyan qeyd edib.

Onun sözlərinə görə, “məhz bu məqsədlə erməni tərəfi Türkiyə ilə münasibətlərin normallaşması və sərhədlərin qeyd-şərtsiz açılması mövqeyinə sadiqdir”.

Vətəninfo.az